१५ भदौ, काठमाडौं । नेपालबाट बंगलादेश जान चाहने यात्रुलाई लैजान आगामी ६ सेप्टेम्बरमा चार्टर्ड उडान हुने भएको छ । सो प्रयोजनका लागि विमान बंगलादेशको जहाजले ढाका–काठमाडौं–ढाका रुटमा चार्टर्ड उडान गर्न लागेको हो ।
नेपालस्थित बंगलादेशी दूतावासले बंगलादेश जान चाहने सो मुलुकका नागरिक तथा अन्य यात्रुलाई कम्पनीमा सम्पर्क गरी टिकट लिन भनेको छ । नेपाल र बंगलादेशमा अहिले पनि नियमित उडान नखुलेका कारण त्यहाँ जाने नेपाली विद्यार्थी तथा कामदारले समेत चार्टर्ड उडानकै भर पर्नु परेको छ ।
